Ration Card E-Kyc Online : अंतोदय आणि प्राधान्य कुटुंब योजनेतील लाभार्थ्यांना सार्वजनिक वितरण व्यवस्थेअंतर्गत रास्त भाव दुकानातमार्फत धान्य दिले जाते. या योजनेअंतर्गत दिला जाणारा लाभ योग्य लाभार्थ्यांना मिळावा म्हणून राज्य शासनाने शिधापत्रिका (Ration Card) ई-केवायसी करणे अनिवार्य केले आहे.
ration card mobile KYC process
रेशन कार्ड ई-केवायसी करण्याची प्रक्रिया ऑनलाइन असल्यामुळे नागरिकांना ती आपल्या मोबाईलवरून करता येऊ शकते. त्यासाठी तुम्हाला रास्त भाव दुकानात जाण्याची आवश्यक्ता नाही. ई-केवायसी करण्यासाठी शासनाद्वारे मेरा ई-केवायसी मोबाईल ॲप सुरू झाले आहे. या ॲपच्या माध्यमातून नागरिकांना घरबसल्या आपल्या मोबाईलवरून शिधापत्रिका ई-केवायसीची प्रक्रिया सहज पूर्ण करता येते.
रेशन कार्ड ई-केवायसी करणे का गरजेचे?
योजनेअंतर्गत दिला जाणारा लाभ निश्चित लाभार्थ्यापर्यंत पोहोचावा यासाठी शासनाच्या नियमानुसार शिधापत्रिकाधारक नागरिकांनी आपल्या कुटुंबातील सदस्यांची ई-केवायसी करणे आवश्यक आहे. यामुळे या योजनेचा अयोग्य लाभ घेणाऱ्या नागरिकांना आळा बसेल.
शिधापत्रिका ई-केवायसी करण्यामागची काही प्रमुख कारणे पुढील प्रमाणे
• योग्य लाभार्थ्यांची ओळख पटवण्यासाठी ई-केवायसी आवश्यक आहे. या योजनेअंतर्गत अयोग्य लाभार्थ्यांचा अनधिकृत लाभ थांबवण्यासाठी शिधापत्रिका ई-केवायसी प्रक्रिया महत्त्वाची आहे.
• कुटुंबातील सदस्यांची नोंद ठेवण्यासाठी शिधापत्रिका ई-केवायसी आवश्यक आहे.
• यामुळे मृत सदस्यांचा समावेश काढून टाकता येईल तसेच नवीन सदस्य जोडण्यासाठी मदत होईल.
शिधापत्रिका ई-केवायसी करण्यासाठी आवश्यक असणारी ॲप्स
1. मेरा ई-केवायसी मोबाईल ॲप (Mera eKyc)
नागरिकांना (Mera eKyc) हे ॲप आपल्या मोबाईल मध्ये डाऊनलोड करून रेशनकार्ड ई-केवायसी प्रक्रिया सहज प्रकारे पूर्ण करता येईल.
2. आधार फेस आरडी सेवा ॲप (Aadhaar Face RD)
फेस स्कॅन करून ओळख पडताळणी करण्यासाठी आधार फेस आरडी सेवा ॲप (Aadhaar Face RD) महत्त्वाचे आहे
• वरील दोन्ही ॲप मोबाईल मध्ये डाऊनलोड (Install) करून ठेवा.
मोबाईलवरुन रेशनकार्ड ई-केवायसी प्रक्रिया अशी पूर्ण करा (Ration Card E-Kyc Online)
शिधापत्रिका ई-केवायसीसाठी खालील प्रक्रिया तुम्हाला मदत करेल
• प्रथम मेरा ई-केवायसी ॲप (Mera eKyc) आपल्या मोबाईल मध्ये डाऊनलोड करा आणि इन्स्टॉल करा.
• त्यानंतर ॲप ओपन करा आणि आपले राज्य आणि जिल्हा निवडा.
• नंतर आपला आधार क्रमांक टाका, आधार लिंक असलेल्या मोबाईल नंबरवर एक OTP येईल तो टाका.
• त्यानंतर तुमची सर्व माहिती योग्य असल्याची खात्री करून ती सबमिट करा.
• त्यानंतर फेस ई-केवायसी हा पर्याय निवडा आणि आपला सेल्फी कॅमेरा सुरू करा.
• आपला चेहरा स्कॅन होण्यासाठी कॅमेरासमोर डोळे उघड-बंद करा.
• या सर्व प्रक्रियेनंतर आपली ई-केवायसी यशस्वी झाल्याचा तुम्हाला मेसेज येईल.
शिधापत्रिका ई-केवायसी करण्याचे फायदे कोणते आहेत? (Ration Card E-Kyc Online Benefits)
• घरबसल्या नागरिकांना आपल्या मोबाईल वरून ई-केवायसीची प्रक्रिया पूर्ण करण्याची सुविधा सरकारने उपलब्ध करून दिली आहे.
• ई-केवायसी करण्यासाठी आवश्यक असलेली कागदपत्रे घेऊन नागरिकांना रेशन दुकानात जाण्याची आवश्यकता नाही.
• राज्यांमधील सार्वजनिक वितरण व्यवस्थेमध्ये यामुळे पारदर्शकता वाढते.
• या योजनेअंतर्गत होणारा गैरवापर आणि फसवणूक टाळण्यासाठी मदत होते.
शिधापत्रिका ई-केवायसी करताना तुम्हाला कोणती काळजी घेणे आवश्यक आहे?
रेशन कार्ड ई-केवायसी करताना पुढील गोष्टी लक्षात ठेवा.
• ई-केवायसी करताना सरकारी मान्यताप्राप्त ॲप्सचाच वापर करा.
• आपला आधार क्रमांक आणि OTP योग्यरीत्या भरा.
• चेहरा स्कॅन करताना चांगल्या प्रकाशामध्ये असल्याची खात्री करा.
• शिधापत्रिका ई-केवायसी पूर्ण झाली आहे का? याची खात्री करण्यासाठी तुम्हाला ई-केवायसी यशस्वी झाल्याचा मेसेज आला आहे का? याची खात्री करा.
आजच शिधापत्रिका ई-केवायसीची प्रक्रिया पूर्ण करा
सरकारने रेशन कार्ड ई-केवायसी करण्याची प्रक्रिया नागरिकांसाठी सोपी आणि सुलभ करून दिली आहे. नागरिकांना आपल्या मोबाईलद्वारे काही मिनिटांतच घर बसल्या ई-केवायसीची प्रक्रिया ॲपच्या मदतीने पूर्ण करता येते. ई-केवायसी करण्याचे अनेक फायदे आहेत, त्यामुळे नागरिकांनी वेळेत आपली आणि आपल्या कुटुंबातील सदस्यांची ई-केवायसी पूर्ण करून घ्या, जेणेकरून शिधापत्रिकेवरील मिळणाऱ्या सर्व योजनांचा लाभ तुम्हाला कोणत्याही अडथळ्याशिवाय घेता येईल.