Driving Licence New Charges 2026: महाराष्ट्र राज्य परिवहन विभागाने (RTO) वाहनधारकांसाठी एक महत्त्वाचा निर्णय घेतला आहे. आता ड्रायव्हिंग लायसन्स आणि वाहन नोंदणी प्रमाणपत्र (RC Book) घरपोच मिळवण्यासाठी नागरिकांना पूर्वीपेक्षा जास्त शुल्क द्यावे लागणार आहे. 1 जानेवारी 2026 पासून या नवीन दरवाढीची अंमलबजावणी राज्यभरात सुरू झाली आहे.
सेवा शुल्कात वाढ होण्याचे नेमके कारण काय?
परिवहन विभागामार्फत लायसन्स आणि आरसी बुक टपाल विभागाद्वारे (Speed Post) नागरिकांच्या पत्त्यावर पाठवले जाते. यासाठी परिवहन विभाग आणि टपाल विभाग यांच्यात वार्षिक करार केला जातो. टपाल विभागाने जिल्हांतर्गत आणि जिल्ह्याबाहेरील सेवांसाठी वेगवेगळ्या दरांचा प्रस्ताव दिला होता.
परंतु, ‘वाहन’ आणि ‘सारथी’ या ऑनलाइन प्रणालीमध्ये दोन भिन्न दर आकारणे तांत्रिकदृष्ट्या कठीण असल्याने, विभागाने एकच मध्यम मार्ग काढला आहे. त्यानुसार आता सर्व नागरिकांना समान वाढीव दर लागू करण्यात आला आहे.
नवीन दर आणि जुने दर यातील फरक
टपाल शुल्कात करण्यात आलेली ही वाढ खालीलप्रमाणे आहे:
| तपशील | जुने दर | नवीन दर |
| टपाल सेवा शुल्क (GST सह) | 58 रुपये | 70 रूपये |
| एकूण वाढ | – | 12 रुपये |
आता नागरिकांना प्रत्येक सेवा शुल्कासाठी 58 रुपयांऐवजी 70 रुपये मोजावे लागतील.
तुमच्या खिशावर होणारा परिणाम
या दरवाढीमुळे आता विविध कामांसाठी लागणारे एकूण शुल्क खालीलप्रमाणे बदलले आहे:
• पक्का परवाना (Permanent License): 770 रुपये (पूर्वी 758 रुपये होते).
• परवाना नूतनीकरण (Renewal): 470 रुपये (पूर्वी 458 रुपये होते).
• दुचाकी आणि चारचाकी एकत्रित परवाना: 1,070 रुपये.
परिवहन विभागाने स्पष्ट केले आहे की, ज्या नागरिकांनी 1 ऑक्टोबर 2025 नंतर वाहने घेतली आहेत किंवा लायसन्स नूतनीकरणासाठी अर्ज केला आहे, त्यांना 1 जानेवारीपासून नवीन दरानुसार ही वाढीव रक्कम द्यावी लागणार आहे.
Driving Licence New Charges 2026
जर तुम्ही नवीन ड्रायव्हिंग लायसन्स काढणार असाल किंवा आरसी बुकसाठी अर्ज करणार असाल, तर तुम्हाला आता अतिरिक्त 12 रुपये भरावे लागणार आहेत. ही प्रक्रिया पूर्णपणे ऑनलाइन असल्यामुळे अर्जाच्या वेळीच हे सुधारित शुल्क कापले जाणार आहे.
➡️ रेशन कार्ड ATM सारखे बनवा, PVC रेशन कार्ड बनवण्याची पहा प्रोसेस