Ration Card E Kyc Fraud Alert: आजकाल सरकारने रेशन कार्ड ई-केवायसी (e-KYC) अनिवार्य केलं आहे. यामुळे लाभार्थी आपली खरी ओळख सरकारसमोर आणू शकतात आणि बनावट रेशन कार्डांचा वापर रोखता येतो. पण या प्रक्रियेमुळे काही फसवणुकीचे प्रकारही वाढले आहेत. सायबर गुन्हेगार बनावट लिंक पाठवून तुमची वैयक्तिक माहिती चोरी करण्याचा प्रयत्न करतात. त्यामुळे रेशन कार्ड ई-केवायसी फसवणूकीपासून सावध राहणे अत्यंत गरजेचे आहे.
रेशन कार्ड ई-केवायसीसाठी सुरक्षित प्रक्रिया कोणती? (Secure e-KYC process)
सरकारने ई-केवायसी प्रक्रिया अत्यंत सोपी आणि सुरक्षित ठेवली आहे. तुम्ही तुमच्या जवळच्या रेशन डीलरकडे जाऊन हे करु शकता. ही प्रक्रिया खालीलप्रमाणे आहे:
• रेशन कार्ड आणि आधार कार्ड जवळ ठेवा.
• रेशन डीलरकडे जाऊन त्यांना दोन्ही कार्ड दाखवा.
• पॉस (POS) मशीनवर बायोमेट्रिक (फिंगरप्रिंट) तपासणी केली जाते.
• रेशन कार्डावरील सर्व सदस्यांनी स्वतः उपस्थित रहावे लागते.
• ही संपूर्ण प्रक्रिया सरकारने निशुल्क उपलब्ध करून दिलेली आहे.
टिप: सरकारचे अधिकृत ॲप वापरून देखील तुम्ही सुरक्षितपणे ई-केवायसी प्रक्रिया पुर्ण करू शकता. (मेरा ई-केवायसी, आधार फेस आरडी सेवा ॲप)
ई-केवायसी करताना पैसे मागितल्यास काय कराल?
काही वेळा रेशन डीलरकडून ई-केवायसीसाठी पैसे मागितले जाऊ शकतात, पण हे चुकीचे आहे. सरकारने ही सेवा पूर्णपणे निशुल्क ठेवली आहे. जर कोणीतरी पैसे मागितले तर तुम्ही तक्रार करू शकता. योग्य तक्रार नोंदवणे ही नागरिकांची जबाबदारी आहे. त्यामुळे अशा लोकांकडून स्वतःचे संरक्षण करा.
महत्वाच्या टिप्स (Ration Card E Kyc Fraud Alert)
• कधीही अनोळखी लिंकवर क्लिक करू नका. कोणत्याही संशयास्पद लिंकवर क्लिक करणे टाळा.
• कोणतीही वैयक्तिक माहिती फोन किंवा मेसेजवरून कधीही शेअर करू नका.
• फसवणूक करणाऱ्या व्यक्तींची माहिती संबंधित विभागाला द्या.
• आपल्या नजीकच्या रेशन डीलरकडूनच सरकारी मार्गाने e-KYC प्रक्रिया पूर्ण करा.
• फसवणुकीची घटना झाल्यास त्वरित पोलिसात तक्रार करा.
Safe e-KYC for ration card
सरकारी योजनांचा लाभ घेण्यासाठी ई-केवायसी (Ration Card e-KYC) आवश्यक आहे, पण सुरक्षित आणि अधिकृत मार्गानेच हे काम करा. कोणत्याही अनधिकृत लिंकवर विश्वास ठेवू नका. तुमची ओळख सुरक्षित ठेवणे, फसवणुकीपासून बचाव करण्याचा उत्तम मार्ग आहे. त्यामुळे ई-केवायसी करताना फसवणुकीपासून सावध राहा आणि आपली माहिती सुरक्षित ठेवा.