Ration Card eKYC – स्वस्त धान्य योजनेचा जे लाभार्थी लाभ घेत आहेत त्यांच्यासाठी राज्य शासनाने रेशनकार्ड ई-केवायसीची प्रक्रिया सक्तीची केली आहे. गेल्या सहा महिन्यांपासून ई-केवायसी करण्यासाठी सरकार सांगत आहे, पण अध्यापही 30% लाभार्थ्यांनी रेशनकार्ड ई-केवायसी पूर्ण केली नसल्याचे दिसत आहे. त्यामुळे ज्या लाभार्थ्यांनी अद्याप ई-केवायसी प्रक्रिया पूर्ण केलेली नाही त्यांचा धान्य पुरवठा बंद करण्यात येईल असे प्रशासनाने आदेश दिले आहेत. रेशनकार्ड ई-केवायसी प्रक्रियेमध्ये पुणे हा जिल्हा सर्वात मागे असल्याचे पाहायला मिळत आहे.
राज्यात 70% ई-केवायसी प्रक्रिया पूर्ण असली, तरी काही जिल्हे अजूनही मागे
प्रशासन सहा महिन्यांपासून रेशनकार्ड ई-केवायसीची प्रक्रिया पूर्ण करण्याबाबत लाभार्थ्यांना सांगत आहे. ई-केवायसी करण्याची मुदत वेळोवेळी वाढवून देऊनही अजून देखील ई-केवायसी पूर्ण करण्याचे प्रमाण 70% वरच असल्याचे दिसत आहे. यामध्ये ठाणे, भंडारा आणि वर्धा हे जिल्हे प्रगतीवर आहेत पण, पुणे जिल्ह्यात ही प्रक्रिया फक्त 54.42% इतकीच पूर्ण झाल्याचे दिसत आहे.
रेशनकार्ड ई-केवायसी करण्याची अंतिम मुदत किती आहे?
रेशनकार्ड ई-केवायसी करण्यासाठी 1 नोव्हेंबर ही अंतिम तारीख दिली होती परंतु प्रशासनाने ही मुदत वेळोवेळी वाढवून आता ती 15 मार्चपर्यंत केली आहे.
रेशनकार्ड धारकांनी आता काय करावे?
रेशनकार्डधारक कुटुंबातील प्रत्येक सदस्याने रेशनकार्ड ई-केवायसी प्रक्रिया पूर्ण करणे अनिवार्य आहे. रेशनकार्ड ई-केवायसी प्रक्रिया अपूर्ण राहिली तर धान्य मिळणार नाही असे आदेश प्रशासनाने दिले आहेत.
रेशनकार्ड ई-केवायसी कशी करावी?
रेशनकार्ड धारकांनी अजूनही ई-केवायसी पुर्ण केली नसेल तर, जवळच्या स्वस्त धान्य दुकानात 4G ई-पॉज मशीनद्वारे तुम्ही ती पूर्ण करू शकता. तसेच घरबसल्या देखील आपल्या मोबाईलवरून ही ई-केवायसीची प्रक्रिया अगदी काही मिनिटांमध्ये तुम्हाला पूर्ण करता येऊ शकते.
हे देखील वाचा : Ration Card E-Kyc Online : आपल्या मोबाईलवरुन करा ई-केवायसी, ती ही 2 मिनिटांत, पहा प्रोसेस
राज्यात सर्वाधिक ई-केवायसी पूर्ण असणारा जिल्हा
राज्यातील 17 जिल्ह्यांमध्ये जवळजवळ 70% हुन अधिक ई-केवायसीची प्रक्रिया आतापर्यंत पूर्ण झाली असल्याचे पहायला मिळत आहे. यामध्ये ठाणे जिल्हा सर्वाधिक रेशन कार्ड ई-केवायसी करण्यामध्ये प्रगतीवर आहे.
रेशनकार्ड ई-केवायसी पूर्ण करा अन्यथा धान्य पुरवठा थांबवला जाईल, प्रशासनाचे आदेश
राज्यातील काही जिल्ह्यांमध्ये 1 मार्चपर्यंत 70% पेक्षा जास्त ई-केवायसीची प्रक्रिया पूर्ण झाली असली तरी, ज्यांनी अद्यापही रेशनकार्ड ई-केवायसी प्रक्रिया पूर्ण केली नाही त्यांनी ती 15 मार्चपूर्वी करून घ्यावी अन्यथा त्यांचा धान्य पुरवठा थांबवण्यात येईल, असा इशारा प्रशासनाने दिलेला आहे.