Interest Free Government Loan Schemes: आजच्या वाढत्या महागाईच्या काळात अनेकांना व्यवसाय, शेती, शिक्षण किंवा इतर गरजांसाठी आर्थिक मदतीची गरज भासते. मात्र, बँकांचे व्याजदर, हमीदार आणि क्रेडिट स्कोअर यामुळे अनेक सामान्य नागरिकांना कर्ज मिळवणं अवघड जातं. अशा वेळी भारत सरकारने सुरू केलेल्या काही विशेष बिनव्याजी (Interest Free) किंवा अत्यल्प व्याजदराच्या योजना तुमच्यासाठी मोठा दिलासा ठरू शकतात. चला तर मग जाणून घेऊया या फायदेशीर योजना आणि त्यामागील संपूर्ण माहिती!
1. प्रधानमंत्री मुद्रा योजना (PMMY)
2015 साली सुरू झालेली प्रधानमंत्री मुद्रा योजना ही लघु व मध्यम उद्योगांना प्रोत्साहन देण्यासाठी आहे. या योजनेत तीन श्रेणी आहेत;
• शिशु: ₹50,000 पर्यंत कर्ज
• किशोर: ₹50,000 ते ₹5 लाख
• तरुण: ₹5 लाख ते ₹10 लाख
या कर्जासाठी कोणतीही हमी किंवा गॅरेंटी लागत नाही. व्याजदर अत्यल्प (Low interest rate) असून काही प्रकरणांमध्ये सरकारकडून व्याज अनुदानही मिळते. छोटा व्यवसाय सुरू करू इच्छिणाऱ्या तरुणांसाठी ही योजना अत्यंत उपयुक्त आहे.
2. स्टँड-अप इंडिया योजना
2016 मध्ये सुरू झालेली ही योजना अनुसूचित जाती (SC), अनुसूचित जमाती (ST) आणि महिला उद्योजकांसाठी आहे. या अंतर्गत 10 लाखांपासून 1 कोटी रुपयांपर्यंत कर्ज उपलब्ध होते. विशेष म्हणजे, प्रारंभीच्या काही महिन्यांमध्ये व्याज आकारले जात नाही. त्यामुळे नवउद्योजकांना व्यवसाय उभा करण्याची उत्तम संधी मिळते.
3. महिला स्व-सहायता गट योजना
महिलांच्या आर्थिक सशक्तीकरणासाठी विविध राज्य सरकारांकडून स्व-सहायता गटांना (Self Help Groups) शून्य किंवा अत्यल्प व्याजदराने कर्ज दिलं जातं.
उदा.
• तेलंगणा आणि आंध्र प्रदेशमध्ये DWACRA योजना
• तामिळनाडूमध्ये महिला उद्यमी कर्ज योजना
या योजनांमुळे महिला घरगुती उद्योग, लघुउद्योग किंवा शेतीपूरक व्यवसाय सुरू करू शकतात.
4. किसान क्रेडिट कार्ड योजना (KCC)
शेतकऱ्यांसाठी ही योजना अत्यंत फायदेशीर आहे. किसान क्रेडिट कार्ड (KCC) अंतर्गत शेतकऱ्यांना शेतीसाठी लागणाऱ्या खर्चासाठी ₹5 लाखांपर्यंतचं कर्ज मिळतं. सरकारकडून 2% ते 4% पर्यंत व्याज अनुदान दिलं जातं. वेळेवर परतफेड केल्यास काही प्रकरणांमध्ये शून्य टक्के व्याजदर लागू होतो.
अर्ज कसा करावा?
या सर्व योजनांसाठी संबंधित सरकारी पोर्टलवर किंवा जवळच्या राष्ट्रीयकृत बँकेतून अर्ज करता येतो. अर्ज करताना खालील कागदपत्रे आवश्यक असतात.
• ओळखपत्र (आधार, पॅन)
• उत्पन्न प्रमाणपत्र
• व्यवसाय किंवा शेतीसंबंधी माहिती
Interest Free Government Loan Schemes
सरकारच्या या योजना गरजू नागरिक, शेतकरी, महिला आणि लघुउद्योजकांसाठी एक मोठं आर्थिक आधारस्तंभ ठरल्या आहेत. योग्य माहिती आणि वेळेवर अर्ज करून तुम्हीही बिनव्याजी (Interest Free) कर्जाचा लाभ घेऊ शकता आणि तुमचं स्वप्न साकार करू शकता.
➡️ पीएम स्वनिधी योजना: फक्त आधार कार्ड वरून 50 हजार रुपयांचे कर्ज