Lek Ladki Yojana Apply Maharashtra: महाराष्ट्र सरकारने राज्यातील मुलींच्या उज्वल भविष्यासाठी, बालविवाह रोखण्यासाठी आणि मुलींचा जन्मदर वाढवण्यासाठी ‘लेख लाडकी योजना’ सुरू केली आहे. या योजनेअंतर्गत पात्र बालिकेला जन्मापासून ते वयाची 18 वर्षे पूर्ण होईपर्यंत विविध 5 टप्प्यांत एकूण 1,01,000 रुपयांची आर्थिक मदत दिली जाते.
ही योजना आधी 1 ऑगस्ट 2017 पासून ‘माझी कन्या भाग्यश्री’ या नावाने राबवली जात होती. परंतु, लोकांपर्यंत प्रभावीपणे पोहोचण्यासाठी 1 एप्रिल 2023 पासून यामध्ये सुधारणा करून ‘लेक लाडकी योजना’ म्हणून नव्याने लागू करण्यात आली.
लेक लाडकी योजनेचे मुख्य उद्दिष्टे
- मुलींचा जन्मदर वाढवणे: समाजात मुलगा-मुलगी भेद दूर करून मुलींच्या जन्माला प्रोत्साहन देणे.
- बालविवाहास प्रतिबंध: मुलींचे वय 18 वर्षे पूर्ण होईपर्यंत आर्थिक पाठबळ देऊन बालविवाह थांबवणे.
- कुपोषण व शाळाबाह्य मुलींचे प्रमाण कमी करणे: मुलींना नियमित शिक्षण आणि आरोग्य सुविधा मिळवून देणे.
- साक्षरता वाढवणे: मुलींना माध्यमिक व उच्च शिक्षणासाठी सक्षम करणे.
आर्थिक मदतीचे 5 टप्पे (मुलीला मिळणारी आर्थिक मदत)
| टप्पा | कधी? | मिळणारी रक्कम |
|---|---|---|
| पहिला हप्ता | बालिकेचा जन्म झाल्यावर | ₹5,000 |
| दुसरा हप्ता | पहिलीत (1 ली) प्रवेश घेतल्यावर | ₹6,000 |
| तिसरा हप्ता | सहावीत (6 वी) प्रवेश घेतल्यावर | ₹7,000 |
| चौथा हप्ता | अकरावीत (11 वी) प्रवेश घेतल्यावर | ₹8,000 |
| पाचवा हप्ता | वयाची 18 वर्षे पूर्ण झाल्यावर | ₹75,000 |
पात्रता व अटी
- रहिवासी: अर्जदार कुटुंब महाराष्ट्राचे कायमस्वरूपी रहिवासी असणे आवश्यक आहे.
- जन्मतारीख: बालिकेचा जन्म 1 एप्रिल 2023 रोजी किंवा त्यानंतर झालेला असावा.
- उत्पन्न मर्यादा: कुटुंबाचे वार्षिक उत्पन्न ₹1 लाख पेक्षा कमी असावे.
- रेशन कार्ड: कुटुंबाकडे पिवळे किंवा केशरी रेशन कार्ड असणे अनिवार्य आहे.
- बँक खाते: बँक खाते महाराष्ट्रातील कोणत्याही मान्यताप्राप्त बँकेच्या शाखेत असावे.
- अपत्यांची मर्यादा: एका कुटुंबातील केवळ 2 मुलींनाच या योजनेचा लाभ मिळेल.
- कुटुंब नियोजन अट: दुसऱ्या हप्त्यापासून (6 वी, 11 वी व 18 वर्षांनंतर) पुढील लाभ मिळवण्यासाठी पालकांना कुटुंब नियोजन प्रमाणपत्र सादर करणे बंधनकारक आहे.
आवश्यक कागदपत्रे
- आई आणि वडिलांचे आधार कार्ड
- बालिकेचा अधिकृत जन्म दाखला
- पिवळे किंवा केशरी रेशन कार्ड
- कुटुंबाचा 1 लाख रुपयांपेक्षा कमी असल्याचा उत्पन्नाचा दाखला
- महाराष्ट्राचा अधिवास दाखला (Domicile Certificate)
- बँक पासबुकची प्रत (DBT साठी)
- बालिकेचे व पालकांचे एकत्रित फोटो
- अंगणवाडी सेविकेकडून मिळणारा नोंदणी पुरावा/शिफारस पत्र
- विशेष टीप: 5 व्या हप्त्यासाठी (18 वर्षे पूर्ण झाल्यावर) मुलीचे मतदान कार्ड (Voter ID) असणे आवश्यक राहील.
अर्ज प्रक्रिया (ऑफलाइन कशी करावी?)
महत्त्वाची सूचना: सामान्य नागरिकांसाठी या योजनेचा ऑनलाइन फॉर्म भरण्यासाठी कोणतीही सार्वजनिक वेबसाईट उपलब्ध नाही. ऑनलाइन अर्जाचा कोणताही स्कॅम टाळा. ही अर्ज प्रक्रिया पूर्णपणे मोफत (निशुल्क) आहे.
- अंगणवाडी केंद्रास भेट द्या: तुमच्या परिसरातील अंगणवाडी केंद्रात जा.
- फॉर्म मिळवा: अंगणवाडी सेविकेकडून लेक लाडकी योजनेचा मोफत अर्ज (Application Form) घ्या.
- माहिती भरा: अर्जात बालिकेची व पालकांची वैयक्तिक आणि बँकेची अचूक माहिती भरा.
- कागदपत्रे जोडा: सर्व आवश्यक कागदपत्रांच्या साक्षांकित प्रती अर्जासोबत जोडा.
- अंगणवाडी सेविकेकडे जमा करा: भरलेला फॉर्म अंगणवाडी सेविकेकडे जमा करा.
- ऑनलाइन नोंदणी: अंगणवाडी सेविका किंवा पर्यवेक्षिका (CDPO) त्यांच्या अधिकृत शासकीय पोर्टलवरून तुमचा अर्ज ऑनलाइन सबमिट करतील आणि तुम्हाला त्याची पोच पावती (Receipt) देतील.
Lek Ladki Yojana Apply Maharashtra (FAQs)
Q1. मी घरबसल्या मोबाईलवरून लेक लाडकी योजनेसाठी ऑनलाइन अर्ज करू शकतो का?
उत्तर: नाही, नागरिकांसाठी ऑनलाइन अर्ज करण्याची सुविधा उपलब्ध नाही. तुम्हाला अंगणवाडी केंद्रात जाऊनच ऑफलाइन अर्ज भरावा लागेल.
Q2. या योजनेचा अर्ज भरण्यासाठी काही फी द्यावी लागते का?
उत्तर: अजिबात नाही. ही प्रक्रिया पूर्णपणे नि:शुल्क आहे.
Q3. अर्ज केल्यावर पैसे कधी जमा होतात?
उत्तर: अर्ज यशस्वीरीत्या व्हेरीफाय झाल्यावर 7 ते 15 दिवसांच्या आत पहिला हप्ता (₹5,000) थेट डीबीटी (DBT) द्वारे खात्यात जमा केला जातो.
Q4. अर्ज करूनही पैसे न मिळाल्यास कुठे संपर्क साधावा?
उत्तर: तुम्ही तुमच्या अंगणवाडी सेविकेकडे, तालुका बालविकास प्रकल्प अधिकारी (CDPO) कार्यालयात किंवा जिल्हा महिला व बालविकास विभागाशी संपर्क साधू शकता.
हे देखील वाचा: हा फॉर्म भरा 2500 रुपये ते 5 लाखपर्यंत फ्री मिळवा, 27 योजनेचा लाभ मोफत