Ladki Bahin Yojana November December installment update: मुख्यमंत्री माझी लाडकी बहीण योजनेच्या अनेक लाभार्थी महिलांना नोव्हेंबर किंवा डिसेंबर महिन्याचा हप्ता अद्याप मिळालेला नाही. जर तुम्ही पात्र असूनही तुमचे पैसे जमा झाले नसतील, तर घाबरून जाण्याचे कारण नाही. काही तांत्रिक चुकांमुळे किंवा ई-केवायसी प्रक्रियेतील त्रुटींमुळे तुमचे पैसे थांबले असू शकतात. योग्य पावले उचलल्यास तुम्हाला थकीत हप्त्यांसह पुढील सर्व लाभ नियमित मिळतील.
ई-केवायसी मधील चुकीमुळे अर्ज ठरले अपात्र
अनेक महिलांनी ई-केवायसी (e-KYC) प्रक्रिया पूर्ण केली होती, परंतु ती करताना काही तांत्रिक चुका झाल्या आहेत. फॉर्म भरताना किंवा ई-केवायसी करताना ‘उत्पन्नाचा स्त्रोत’ किंवा ‘सरकारी नोकरी’ संदर्भात विचारलेल्या प्रश्नाचे उत्तर चुकीचे नोंदवले गेले आहे. अनेक लाभार्थ्यांच्या अर्जावर नजरचुकीने ‘सरकारी कर्मचारी’ (Government Employee) असा उल्लेख झाला आहे. यामुळे शासन स्तरावर असे अर्ज अपात्र ठरवले गेले आहेत. अर्ज भरणाऱ्या व्यक्तीला किंवा लाभार्थ्याला प्रश्न नीट न समजल्यामुळे अशा प्रकारच्या त्रुटी निर्माण झाल्या आहेत.
थकीत पैसे मिळवण्यासाठी करा हा उपाय
जर तुमची चूक नसेल आणि तुम्ही सरकारी नोकरीत नसाल, तरीही तुमचा हप्ता बंद झाला असेल तर तुम्हाला एक महत्त्वाचे काम करावे लागेल. तुमच्या तालुक्याच्या ठिकाणी असलेल्या ‘महिला व बाल विकास विभाग’ कार्यालयाला भेट द्या. त्या ठिकाणी तुम्हाला एक रितसर अर्ज सादर करावा लागेल. अर्जामध्ये स्पष्ट नमूद करा की, तुम्ही सरकारी नोकरीत नाही आणि नजरचुकीने ई-केवायसी मध्ये चूक झाली आहे.
तुमच्या तक्रारीची दखल घेऊन विभाग तुमची पुन्हा एकदा पडताळणी करेल. ही पडताळणी अंगणवाडी सेविकांमार्फत किंवा संबंधित अधिकाऱ्यांमार्फत केली जाऊ शकते. तुम्ही पात्र असल्याचे सिद्ध झाल्यावर तुमचे थांबलेले सर्व हप्ते तुमच्या बँक खात्यात जमा केले जातील.
घाबरू नका तुमचे पैसे सुरक्षित आहेत
सध्या लाखो महिलांना या समस्येचा सामना करावा लागत आहे. सोशल मीडिया, फेसबुक आणि इंस्टाग्रामवर अनेक महिलांनी हप्ता न मिळाल्याबद्दल तक्रारी केल्या आहेत. ही समस्या वैयक्तिक नसून मोठ्या प्रमाणात लाभार्थ्यांच्या बाबतीत घडली आहे. जर तुम्ही योजनेच्या अटींमध्ये बसत असाल, तर तुमचे पैसे कोठेही जाणार नाहीत. पडताळणी प्रक्रिया पूर्ण झाल्यानंतर नोव्हेंबर आणि डिसेंबर महिन्याचे थकीत पैसे आणि पुढील येणारे हप्ते तुम्हाला एकत्रितपणे मिळतील.
योजनेच्या पुढील अपडेट्ससाठी आणि पोर्टलवरील बदलांची माहिती घेण्यासाठी अधिकृत माहिती स्त्रोतांशी जोडलेले राहा. ही माहिती जास्तीत जास्त महिलांपर्यंत पोहोचवा जेणेकरून कोणाचेही नुकसान होणार नाही.
हे देखील वाचा: नमो शेतकरी योजनेचा 8 वा हप्ता: शेतकऱ्यांच्या खात्यात 4,000 नाही तर 2,000 रुपये येणार; ‘या’ दिवशी होणार हप्ता जमा!