Ladki Bahin e-KYC last date: महाराष्ट्र सरकार मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि उपमुख्यमंत्री अजित पवार यांच्या नेतृत्वाखाली राज्यभर ‘मुख्यमंत्री माझी लाडकी बहीण योजना’ राबवत आहे. या योजनेत पात्र महिलांना दरमहा ₹1500 थेट त्यांच्या बँक खात्यात जमा केले जातात.
सरकारने यासाठी 18 नोव्हेंबर 2025 पर्यंत e-KYC अनिवार्य केले होते. मात्र अतिवृष्टी, पूर आणि इतर नैसर्गिक संकटांमुळे हजारो महिलांना वेळेत ही प्रक्रिया करता आली नाही. त्यामुळे सरकारने मोठा दिलासा देत e-KYC ची अंतिम तारीख 31 डिसेंबर 2025 पर्यंत वाढवली आहे.
e-KYC अंतिम तारीख वाढवली – महिलांसाठी मोठा दिलासा
नैसर्गिक आपत्ती, तांत्रिक समस्या आणि मोठ्या प्रमाणातील गर्दीमुळे लाभार्थ्यांचे e-KYC वेळेत पूर्ण झाले नाही. त्यामुळे कोणत्याही महिलेचा लाभ खंडित होऊ नये म्हणून सरकारने हा निर्णय घेतला आहे.
पती/वडील हयात नसल्यास पर्याय काय?
पती किंवा वडिलांचे निधन किंवा घटस्फोट झालेल्या महिलांना OTP चा प्रश्न निर्माण झाला होता.
• अशा लाभार्थ्यांसाठी नवीन पर्याय: महिलांनी खालील कागदपत्रांची सत्यप्रत संबंधित जिल्हा महिला व बाल विकास अधिकारी यांच्याकडे जमा करणे आवश्यक आहे:
• पती/वडिलांचे मृत्यू प्रमाणपत्र
• घटस्फोटाचे अधिकृत प्रमाणपत्र
• न्यायालयाचा आदेश
या दस्तऐवजांच्या आधारे e-KYC प्रक्रिया पूर्ण मानली जाईल आणि लाभ खंडित होणार नाही, असे सरकारने स्पष्ट केले आहे.
OTP येत नाही?
मोठ्या प्रमाणात महिला एकाच वेळी e-KYC करत असल्याने अधिकृत पोर्टलवर प्रचंड ताण येतो यामुळे OTP उशिरा येतो, वेबसाइट मंद चालते, कधी कधी साइट क्रॅश होते. यासाठी उपाय कमी लोडच्या वेळेत e-KYC करा
सरकारचा सल्ला:
रात्री 12 ते पहाटे 5 या वेळेत e-KYC करा, या वेळेत सर्व्हर लोड कमी असल्याने प्रक्रिया जलद होते. आता e-KYC साठी दोन महिन्यांचा पुरेसा अवधीही देण्यात आला आहे.
Ladki Bahin Yojana online KYC – अशी करा e-KYC
1️⃣ वेबसाइट उघडा: https://ladakibahin.maharashtra.gov.in
2️⃣ मुख्य पृष्ठावर ‘e-KYC’ बॅनरवर क्लिक करा.
3️⃣ आधार क्रमांक + कॅप्चा भरा भरून ‘Send OTP’ वर क्लिक करा
4️⃣ आधारशी लिंक असलेल्या मोबाईलवर आलेला OTP टाका ‘Submit’ करा
5️⃣ सिस्टम तपासेल की तुमचे e-KYC आधी झाले आहे का.
6️⃣ पती/वडिलांचा आधार क्रमांक भरा, त्यांच्याही मोबाईलवर OTP येईल (पडताळणी करा)
7️⃣ जात प्रवर्ग निवडा आणि खालील घोषणा करा:
• कुटुंबात कोणीही शासकीय कर्मचारी/निवृत्तीवेतनधारक नाही
• कुटुंबातील फक्त 1 विवाहित आणि 1 अविवाहित महिला लाभ घेते
8️⃣ चेकबॉक्स निवडा ‘Submit’ वर क्लिक करा
9️⃣ ‘e-KYC यशस्वीरीत्या पूर्ण झाले’ असा संदेश दिसेल
Ladki Bahin e-KYC last date
‘माझी लाडकी बहीण योजना’ राज्यातील महिलांसाठी मोठा आधार आहे. सरकारने e-KYC ची तारीख वाढवल्यामुळे हजारो महिलांना मोठा दिलासा मिळाला आहे. वेळेत e-KYC पूर्ण केल्यास ₹1500 चा मासिक लाभ थेट खात्यावर मिळत राहील.